Plantun de Prouvènço

Pèr coumpara dos planto d'encò nostre

Alnus glutinosa & Bupleurum ranunculoides subsp. ranunculoides

Verno

Alnus glutinosa

Betulaceae

Àutri noum : Vergne, Vèr.

Noms en français : Aulne glutineux, Aune poisseux.

Descripcioun :
Aubre coumun sus li ribo de ribiero que se recounèis à si fueio un pau roundo e plato à la cimo. Flouris d'ouro en febrié e mars emé de long catoun mascle e de pichòti pigno femelo que rèston de tèms sus li ramo (fotò).

Usanço :
A Castellano, à la debuto dóu siècle passa, li pàuri gus anavon faire prouvesioun de bos à crema "ei vèrno de Verdoun (in J.-L. Domenge, EbV, op.cit.). La rusclo de verno èi vertuouso contro la fèbre, li mau de dènt e de garganto e peréu li plago e li moureno. Emé li fueio se fai d'emplastro qu'apaison li mau d'os e di jougadou e peréu li di senado. Emé la rusclo se fasié un negre pèr tencha li capèu. La legno de verno s'emplego pèr basti dins l'aigo (paufi...) que s'apourridis pas gaire emé lou tèms.

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Alnus
Famiho : Betulaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printems Ivèr

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Pancaro entresigna
Couroulougi : Pancaro entresigna
Ref. sc. : Alnus glutinosa (L.) Gaertn., 1790

Buplèvre(-faus-ranouncle)

Bupleurum ranunculoides subsp. ranunculoides

Apiaceae Umbelliferae

Nom en français : Buplèvre fausse renoncule.

Descripcioun :
Buplèvre de mountagno que se recounèis à si bratèio larjo que fai passa l'enflourejado pèr uno flour simplo. La subsp. ranunculoides se destrìo dis autro qu'a si fueio d'en bas plano alor que li d'en aut, en formo de lanço, embrasson la cambo. Coumpara emé la subsp. telonense.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 1200 à 2600 m
Aparado : Noun

Liò : Mountagno mejano - Auto mountagno - Tepiero seco
Estànci : Mountagnard à Aupen
Couroulougi : Pancaro entresigna
Ref. sc. : Bupleurum ranunculoides subsp. ranunculoides L., 1756

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Alnus glutinosa & Bupleurum ranunculoides subsp. ranunculoides

CCC

Coumpara Verno emé uno autro planto

Coumpara Buplèvre(-faus-ranouncle) emé uno autro planto